ബെംഗളൂരു: ഇന്ത്യയില് ആദ്യ ഹ്യൂമന് മെറ്റാന്യൂമോ വൈറസ് ബാധ സ്ഥിരീകരിച്ചു. ബെംഗളൂരുവിലെ സ്വകാര്യ ആശുപത്രിയില് ചികിത്സയിലുള്ള എട്ട് മാസം പ്രായമുള്ള കുഞ്ഞിനാണ് എച്ച്എംപിവി രോഗം സ്ഥിരീകരിച്ചത്. എന്നാല് കുട്ടിക്ക് വിദേശ യാത്രാ പശ്ചാത്തലം ഇല്ലെന്നത് ആശങ്കക്കിടയാക്കുന്നണ്ട്.
കുഞ്ഞിന് രോഗം എവിടെ നിന്നാണ് വന്നതെന്നതില് വ്യക്തതയില്ല.ഹ്യൂമന് മെറ്റാന്യൂമോ വൈറസിന്റെ ഇന്ത്യയില് റിപ്പോര്ട്ട് ചെയ്ത ആദ്യ കേസ് ആണിത്. കുഞ്ഞിന് സ്ഥിരീകരിച്ചത് ചൈനീസ് വേരിയന്റ് ആണോ എന്നതില് സ്ഥിരീകരണമായിട്ടില്ല. ശക്തമായ പനിയെ തുടര്ന്നാണ് കുഞ്ഞിനെ ആശുപത്രിയില് പ്രവേശിപ്പിച്ചത്. പരിശോധന തുടരുമെന്ന് കര്ണ്ണാടക ആരോഗ്യവകുപ്പ് അറിയിച്ചു. രോഗലക്ഷണങ്ങള് പ്രകടിപ്പിക്കുന്ന കുട്ടികളില് എച്ച്എംപിവി സ്കീനിംഗ് നടത്തണമെന്ന് കര്ണാടക ആരോഗ്യമന്ത്രാലയം അറിയിച്ചിരുന്നു.
ശ്വാസകോശങ്ങളുടെ പ്രവര്ത്തനത്തെ ബാധിക്കുന്ന എച്ച്എംപിവി അണുബാധ കുട്ടികള്, പ്രായമായവര് തുടങ്ങി എല്ലാ പ്രായത്തിലുള്ളവരെയും ബാധിക്കും. ന്യുമോണിയ വിഭാഗത്തിലാണ് രോഗത്തെ ഉള്പ്പെടുത്തിയിരിക്കുന്നത്.
