തിരുവനന്തപുരം: പുറത്താക്കിയ യൂത്ത് കോണ്‍ഗ്രസ് ഐ ഗ്രൂപ്പ് നേതാവ് സദ്ദാം ഹുസൈനെ തിരിച്ചെടുത്തു.ഐ ഗ്രൂപ്പ് പ്രവര്‍ത്തകരുടെ പ്രതിഷേധത്തെ തുടര്‍ന്നാണ് യൂത്ത് കോണ്‍ഗ്രസ് പാലക്കാട് നിയോജക മണ്ഡലം അധ്യക്ഷന്‍ സദ്ദാം ഹുസൈനെ ഡിസിസി നേതൃത്വം തിരിച്ചെടുത്തത്.
പുറത്താക്കിയവരെ തിരിച്ചെടുത്തില്ലെങ്കില്‍ കൂട്ടമായി രാജിവെക്കും എന്ന് ഐ ഗ്രൂപ്പ് പ്രവര്‍ത്തകര്‍ നേതാക്കളെ അറിയിച്ചതിനെ തുടര്‍ന്നാണ് തിരിച്ചെടുക്കല്‍ നടപടി. കഴിഞ്ഞ ദിവസം കെപിസിസി ജനറല്‍ സെക്രട്ടറി അബ്ദുള്‍ മുത്തലിബ് പ്രവര്‍ത്തകരുമായി ചര്‍ച്ച നടത്തിയിരുന്നു. ഇതിന് പിന്നാലെ തിങ്കളാഴ്ച നടന്ന യോഗത്തിലാണ് അന്തിമ തീരുമാനമായത്.2023 ജൂണ്‍ 28നാണ് സദ്ദാം ഹുസൈനെ കോണ്‍ഗ്രസ് പുറത്താക്കുന്നത്.
