വയനാട്: കേരള സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പര്‍ ഒന്നാം സമ്മാനമായ 25 കോടി വയനാട് ജില്ലയില്‍.ബത്തേരിയിലെ എന്‍ജിആര്‍ ലോട്ടറീസില്‍ നിന്നും നാഗരാജ് വിറ്റ tg 434222 എന്ന നമ്പറിനാണ് ബമ്പര്‍ സമ്മാനം ലഭിച്ചത്. പനമരത്തെ എസ്‌ജെ ലക്കി സെന്ററില്‍ നിന്നുമാണ് നാഗരാജ് ടിക്കറ്റെടുത്തത്. ജിനീഷ് എ ആണ് എസ്.ജെ ലക്കി സെന്ററിലെ ഏജന്റ്.
ഉച്ച കഴിഞ്ഞ് രണ്ടോടെ ധനകാര്യമന്ത്രി കെ എന്‍ ബാലഗോപാലിന്റെ നേതൃത്വത്തിലാണ് തിരുവോണം ബമ്പറിന്റെ നറുക്കെടുപ്പ് നടന്നത്. ഈ വര്‍ഷം എണ്‍പത് ലക്ഷം ഓണം ബമ്പര്‍ ടിക്കറ്റുകളാണ് അച്ചടിച്ചത്. ഇതില്‍ എഴുപത്തി ഒന്ന് ലക്ഷത്തോളം ടിക്കറ്റുകള്‍ വിറ്റഴിഞ്ഞു. 500 രൂപയായിരുന്നു ടിക്കറ്റ് വില.
