ജറുസലേം:ഐക്യരാഷ്ട്രസഭാ ഏജന്‍സിയായ റിലീഫ് ആന്‍ഡ് വര്‍ക്‌സ് ഏജന്‍സിക്ക് (യുഎന്‍ആര്‍ഡബ്ല്യുഎ) ഇസ്രയേല്‍ നിരോധനം ഏര്‍പ്പെടുത്തി.പലസ്തീന്‍ അഭയാര്‍ഥികളുടെ ദുരിതാശ്വാസത്തിനും മനുഷ്യവികസനത്തിനും പിന്തുണ നല്‍കുന്ന ഏജന്‍സിയാണ് യുഎന്‍ആര്‍ഡബ്ല്യുഎ. ഏജന്‍സിയിലെ ഏതാനും പേര്‍ ഹമാസ് അംഗങ്ങളാണെന്നും ഒക്ടോബര്‍ ഏഴിലെ ആക്രമണത്തില്‍ പങ്കുണ്ടെന്നും ആരോപിച്ചാണ് വിലക്ക് ഏര്‍പ്പെടുത്തിയത്.
വടക്കന്‍ ഗസയിലെ ജനവാസ മേഖലയിലും അഭയാര്‍ഥി ക്യാമ്പിലുമുണ്ടായ ആക്രമണത്തില്‍ വ്യാപക നഷ്ടം റിപ്പോര്‍ട്ട് ചെയ്തതിന്റെ അടുത്ത ദിവസമാണ് യുഎന്‍ ഏജന്‍സിയെ വിലക്കിയത്. എന്നാല്‍ ഹമാസ് പുനഃസംഘടിക്കാതിരിക്കാനാണ് ആക്രമണം നടത്തിയതെന്നാണ് ഇസ്രയേല്‍ സൈനിക വൃത്തങ്ങള്‍ പറയുന്നത്.
