കാഠ്മണ്ഡു: നേപ്പാള്‍ ടിബറ്റ് അതിര്‍ത്തിയില്‍ 7.1 തീവ്രതയുള്ള ഭൂചലനം രേഖപ്പെടുത്തി. ഭൂചലന പരമ്പരയില്‍ മരിച്ചവരുടെ എണ്ണം 36 ആയി. നേപ്പാളിലെ നോബുഷെയില്‍ നിന്ന് 93 കിലോമീറ്റര്‍ വടക്ക് കിഴക്കാണ് ഭൂചലനമുണ്ടായത്. കാഠ്മണ്ഡുവിലടക്കം ഭൂചലനത്തില്‍ പ്രകമ്പനമുണ്ടായി.
ഇതിന് പിന്നാലെ ഉത്തരേന്ത്യയിലെ ചിലയിടങ്ങളിലും പ്രകമ്പനം അനുഭവപ്പെട്ടു. ഡല്‍ഹിയിലെയും ബിഹാറിലെയും ചിലയിടങ്ങളിലാണ് പ്രകമ്പനമുണ്ടായത്. ഭൂകമ്പത്തിന്റെ ആഘാതം വിലയിരുത്താന്‍ നേപ്പാളിലെയും ഇന്ത്യയിലെയും എമര്‍ജന്‍സി റെസ്പോണ്‍സ് ടീമുകള്‍ അതീവ ജാഗ്രതയിലാണ്.ഭൂചലനത്തിന്റെ തീവ്രത വ്യക്തമാകുന്ന ദൃശ്യങ്ങള്‍ പുറത്തുവന്നിട്ടുണ്ട്.
