മൂവാറ്റുപുഴ: നടന്‍ മുകേഷിനെതിരെ പീഡന ആരോപണം ഉന്നയിച്ച നടിക്കെതിരെ പരാതി. നടിയുടെ ബന്ധുവായ മൂവാറ്റുപുഴ സ്വദേശിയാണ് പരാതി നല്‍കിയത്. നടിക്ക് സെക്‌സ് മാഫിയയുമായി ബന്ധമുണ്ടെന്നും തന്നെയും ഇങ്ങനെ കുടുക്കിയെന്നും യുവതി പറയുന്നു.
സിനിമയില്‍ അഭിനയിപ്പിക്കാമെന്ന് വാഗ്ദാനം നല്‍കി തന്നെ ചെന്നൈയില്‍ ഒരു സംഘത്തിന് മുന്നില്‍ കാഴ്ചവച്ചുവെന്നാണ് ആരോപണം. 2014 ലാണ് സംഭവം നടന്നത്. കുറെ പെണ്‍കുട്ടികളെ നടി ഇതുപോലെ പലര്‍ക്കും കാഴ്ചവെച്ചിട്ടുണ്ടെന്നും യുവതി വെളിപ്പെടുത്തി. എന്നാല്‍ ആരോപണം പരാതിക്കാരിയായ നടി നിഷേധിച്ചു.
തനിക്കെതിരെ രംഗത്തെത്തിയ ബന്ധുവായ യുവതിക്ക് പിന്നില്‍ ഉന്നതര്‍ ഉണ്ടെന്നാണ് നടിയുടെ ആരോപണം അതേസമയം തമിഴ്‌നാട് കേരള ഡി ജി പി മാര്‍ക്കും മുഖ്യമന്ത്രിക്കും യുവതി പരാതി നല്‍കി. യുവതിയുടെ പരാതി മൂവാറ്റുപുഴ പൊലീസിന് കൈമാറിയിട്ടുണ്ട്. പ്രത്യേക അന്വേഷണസംഘം യുവതിയില്‍ നിന്ന് മൊഴിയെടുക്കും.
